Қазақстанның Ұлттық академиялық кітапханасында эстон әдебиеті бұрышы ашылды

Салтанатты рәсімге Эстония Президенті Алар Карис, Эстонияның Бірінші ханымы Сирье Карис, ҚР Мәдениет және ақпарат министрі Аида Балаева, дипломатиялық корпус өкілдері, отандық және эстондық әдебиет пен өнер қайраткерлері және басқа да ресми тұлғалар қатысты.

«Қазақстан да, Эстония да өз әдебиетінің негізін бай ауыз әдебиетінен алатыны — көңіл аудартатын ортақ қасиет. Айтыс секілді дәстүрлі халық өнері әдебиет пен жазба тілдің дамуына берік негіз болды. Бір кезде баспа ісінің пайда болуы әлемді түбегейлі өзгерткен еді, бүгінде жасанды интеллект те сондай ауқымды өзгерістер әкелуде. Алайда даму жолында өткеннің құндылықтарын сақтау да маңызды. Айтыс та, кітап та — соның жарқын мысалы. Эстон әдебиетінің бұрышы достық пен жаңа ашылулар мекеніне айналсын деп тілеймін», – деді Эстония басшысы құттықтау сөзінде.

• 01.12.2025
• 8