Мемлекет басшысының тапсырмасы бойынша облыста құрылыс саласын дамыту бойынша жүйелі жұмыс күшейтілді.

Мемлекет басшысының тапсырмасы бойынша облыста құрылыс саласын дамыту бойынша жүйелі жұмыс күшейтілді.

🏗 Соңғы екі жылда құрылыс жұмыстарының көлемі 70%-ға артып, 187 млрд теңгеден 315 млрд теңгеге жетті. Республика бойынша Қостанай облысының үлесі 3,8%-дан 4,6%-ға дейін өсіп, Шығыс Қазақстан, Павлодар және Ақмола облыстарын артта қалдырды.
📈 Екі жыл ішінде 1 млн шаршы метрге жуық тұрғын үй пайдалануға берілді. 9 мыңнан астам отбасы баспана жағдайын жақсартты.
🏙 Қостанай агломерациясында «Астана» және «Бәйтерек» жаңа шағын аудандарының құрылысы жалғасуда. Қазірдің өзінде 10 көпқабатты үй салынды, тағы 13-інің құрылысы жүріп жатыр. Барлығы 150-ден астам тұрғын үй салынады. Инфрақұрылым: мектептер, балабақшалар, дүкендер, саябақ, спорт кешені мен аурухананы қамтиды.
🏘 2024–2025 жылдары 8 ауданда 12 тұрғын үйге күрделі жөндеу жүргізілуде. Бұл тәжірибе жүйелі форматқа айналды. Сонымен қатар, әлеуметтік тұрғын үй және жеңілдетілген ипотека бағдарламалары жүзеге асырылуда.
⚠️ Аула кеңістігін абаттандыру мен қауіпсіздікке ерекше көңіл бөлінеді. Балалар және спорт алаңдары сапалы материалдардан жасалып, берік орнатылуы тиіс. Бұл — басты талап!
🎯 Жыл соңына дейін ауылдық жерлерде тағы 15 әлеуметтік нысан іске қосылады. Рудный және Құсмұрын кентінде 2 жайлы мектеп ашылады.
♻️ Құрылыс көлемі артқан сайын қалдықтар көлемі де өсуде. Рудный қаласында қуаттылығы жылына 70 мың тонна болатын қалдық өңдейтін шредер орнатылды. Ендігі мақсат — мұндай жобаларды өзге қалалар мен аудандарда дамыту.

📍 Біз жай ғана құрылыс жүргізіп жатқан жоқпыз. Біз әрбір тұрғын үшін қолайлы, қауіпсіз және қолжетімді орта қалыптастырып жатырмыз.

• 10.12.2025
• 6