Серік Жүсіпұлы Сүлейменов «Парасат» орденімен марапатталды

Бүгін Серік Жүсіпұлы Сүлейменов Қазақстан Республикасының мемлекеттік наградасы — «Парасат» орденімен марапатталды. Жоғары марапатты Қазақстан Республикасының Президенті табыс етті.

Еліміздің энергетика саласын дамытуға қосқан зор үлесі үшін мемлекеттік наградаға Серік Жүсіпұлы Сүлейменов — «Қазақстандық электр энергиясы және қуаты нарығының операторы» АҚ Басқарма Төрағасының кеңесшісі лайық деп танылды.

«Парасат» ордені — жоғары кәсібиліктің, көпжылдық адал еңбектің және Қазақстан Республикасының энергетика саласының дамуы мен оның тұрақты жұмыс істеуіне қосқан елеулі үлестің айқын көрінісі.

Ұжым Серік Жүсіпұлына жоғары мемлекеттік награда алуымен шын жүректен құттықтап, мықты денсаулық, амандық, кәсіби табыстар мен ел игілігі жолындағы қызметінде жаңа жетістіктер тілейді.

• 17.12.2025
• 22