Наурыз мейрамымен құттықтау

Қымбатты достар, Ұлыстың ұлы күні – әз-Наурыз мерекесімен шын жүректен құттықтаймын!

Аразды татуластырып, елді бірлікке шақырып, қара қазанды қайнатып, сары самаурынды жайнататын, ұлағаты мол ұлық мейрамды ежелден бері ауыз бірлігі мен ынтымағы ажырамаған халқымыз қашанда ел болып атап өткен.

Наурыз – іргесі сөгілмес бірліктің берекесі, ырысы төгілмес тірліктің мерекесі.

Жақсылықтың жаршысы, жаңа жылдың бастауы – Наурыз мейрамы туған жер топырағына құт-береке әкелсін! Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын!Ұлыс оң болсын, ақ мол болсын!

• 21.03.2021
• 383