«KOREM» АҚ қайталама аукциондық сауда-саттықтың өткізілетіні туралы хабарлайды

2025 жылға арналған маневрлік генерация режиміндегі жаңадан іске қосылатын генерациялаушы қондырғылардың құрылысы бойынша аукциондық сауда-саттық өткізу кестесіне сәйкес, Қазақстан Республикасы Энергетика министрлігі бекіткен жоспар негізінде 2025 жылғы 15 желтоқсанда «KOREM» АҚ Оңтүстік аймақта (Шымкент қ.) орнатылған қуаты 500 МВт болатын парогаз қондырғысын салу бойынша аукциондық сауда-саттық өткізді
(https://www.gov.kz/memleket/entities/energo/documents/details/897079?lang=ru).

Аукциондық сауда-саттық — бұл маневрлік генерация режиміндегі жаңадан іске қосылатын генерациялаушы қондырғылардың құрылыс жобаларын іріктеуге және электр қуатының дайындықты қолдау қызметіне жеке тарифтерді айқындауға бағытталған, электрондық сауда жүйесінде аукцион ұйымдастырушысы жүзеге асыратын процес.

Аукциондық сауда-саттықты ұйымдастыру және өткізу тәртібі Қазақстан Республикасы Энергетика министрінің м.а. 2021 жылғы 30 сәуірдегі № 161 бұйрығымен бекітілген маневрлік генерация режиміндегі жаңадан іске қосылатын генерациялаушы қондырғылардың құрылысы бойынша аукциондық сауда-саттықты ұйымдастыру және өткізу қағидаларымен (бұдан әрі – Қағидалар) айқындалады
(https://adilet.zan.kz/rus/docs/V2100022727).

«Электр энергетикасы туралы» Қазақстан Республикасының Заңының 1-бабы 1-тармағының 2-8) тармақшасына сәйкес «KOREM» АҚ аукциондық сауда-саттықтың ұйымдастырушысы болып табылады. 2022 жылдан бастап Қоғам алаңында 6 (алты) аукциондық сауда-саттық өткізіліп, олардың нәтижелері бойынша еліміздің 8 (сегіз) өңірінде жалпы қуаты 2,9 ГВт болатын маневрлік генерация жобаларын іске асыру үшін 9 (тоғыз) жеңімпаз айқындалды.

Алайда, 2025 жылғы 15 желтоқсанда өткізілген аукциондық сауда-саттық сауда сессиясына тіркелген және қатысуға жіберілген қатысушылар санының екіден аз болуына байланысты өткізілмеді деп танылды
https://www.korem.kz/rus/press-centr/novosti_kompanii/?cid=202&rid=14302.

Осыған байланысты, Қазақстан Республикасы Энергетика министрінің 2021 жылғы 15 қарашадағы № 351 бұйрығымен бекітілген, маневрлік генерация режиміндегі жаңадан іске қосылатын генерациялаушы қондырғылардың құрылысы бойынша аукциондық сауда-саттықты ұйымдастыру және өткізуге байланысты шешімдер қабылдау жөніндегі комиссияның шешімімен қайталама аукциондық сауда-саттық 2026 жылғы 19 қаңтарда сағат 10:00-де (Астана қаласының уақытымен) өткізіледі
https://www.gov.kz/memleket/entities/energo/documents/details/937737?lang=ru.

Қосымша құжаттарды қабылдау Қазақстан Республикасы Энергетика министрлігі тарапынан 2025 жылғы 18 желтоқсан мен 2026 жылғы 6 қаңтар аралығында (қоса алғанда) жүзеге асырылады.

Сонымен қатар, Қағидалардың 54-тармағында және аукциондық құжаттамада көзделген талаптарға сәйкес құжаттарды дұрыс қалыптастыру және уақтылы ұсыну қажеттігі атап өтіледі
(https://www.gov.kz/memleket/entities/energo/documents/details/912690?lang=ru).

«KOREM» АҚ қажетті ресурстары мен тәжірибесі бар электр энергетикасы саласының барлық өкілдерін аукциондық сауда-саттыққа қатысуға шақырады. Өз кезегінде, аукционға қатысушылар үшін электрондық сауда жүйесінде жұмыс істеу бойынша нұсқама жүргізіліп, барлық кезеңдерде консультациялық қолдау көрсетіледі.

• 19.12.2025
• 13