Генералдар мен офицер мырзалар, сержанттар мен сарбаздар, Қазақстан Республикасы Қарулы Күштерінің қызметкерлері!

Баршаңызды Наурыз мейрамымен құттықтаймын!

Әз-Наурыз елімізде қай кезде де еңсесі биік елдіктің, іргесі ажырамас бірліктің, ырыс пен ынтымақтың мерекесі.

Халқымыз үшін Наурыз мейрамы – көктем мен жаңаруды айшықтайтын мерейлі мереке. Наурыз - көктемгі жаңарудың, ақ пейіл мен татулықтың мерекесі.

Бұрын осы көктем мерекесі табиғаттың жаңару кезеңінде дау-дамайды шешіп, арадағы өкпе-ренішті кешіру мерекесі саналса, қазір тәуелсіз елімізде бұл мейрам бір шаңырақ астына барлық ұлтты біріктіреді.

Көпұлтты Қазақстан, оның ішінде Қарулы Күштері де еліміздегі ұлттардың  діні, тілі, мәдениеті мен салт-дәстүріне аса құрмет көрсете отырып, әр адамның жеке дамуына мүмкіндік беретін ынтымақтастық қалыптастырады.

Наурыз қарсаңында жыл қорытындыланып, келер жылға жоспар құрылады. Барлық әскери бөлімдер мен әскери қалашықтардың аумағы тазартылып, көгалдандыру жұмыстары белсенді жүргізілуде.

Қазақстан әскері мемлекеттің тұрақтылығы мен бейбіт дамуы үшін күндіз-түні қорғаныс қабілетін арттыруға қызмет етуде.

Бұған Елбасы мен Қазақстан Республикасы Қарулы Күштері Жоғарғы Бас қолбасшысының мұқият назарының және барлық санаттағы командалық құрамның кәсіби біліктілігінің, жеке құрамның аса жауапкершілігінің арқасында қол жеткізілді.

Наурыз – бұл ұрпақтар сабақтастығының жаршысы.

Ұлы дала әрқашан еліміздің қауіпсіздігін қамтамасыз етіп, рух, батылдық пен нағыз патриоттық сезімді көрсететін батыр ұлдарымен мақтанатын.

• 22.03.2021
• 424