Цифрландыру және жасанды интеллектіні дамыту – маңызы қадам

Ел Президенті былтырғы Жолдауында Цифрлық мемлекет болуымыз керектігін айтқан болатын. Ал биылғы жыл «Цифрландыру және жасанды интеллект жылы» деп жарияланды.

Сондай-ақ, Қасым-Жомарт Кемелұлы жақында «Turkistan» газетіне берген сұқбатында цифрландыру және жасанды интеллектінің дамуына қатысты толыққанды тоқталып, бұл – қазіргі жаңа технология дәуірінде өркениетті ел болып қалудың бірден-бір жолы деп атап өтті.

Біздің облыстағы кәсіпорындар қазірдің өзінде инновацияларды, цифрлық технологияларды белсенді түрде енгізіп жатыр. Бір ғана мысал, зауыттарымыз өнеркәсіптік роботтарды пайдалануда.

Мәселен, 2025 жылы роботтардың саны 3 есеге артып,
133 өнеркәсіптік роботты құрады, ал 2023 жылы олардың саны тек үшеу ғана болатын.

Сондай-ақ, былтыр жазда өткен Qostanai Investment форумын атап өтуге болады. Іскерлік басқосу цифрландыру, жасанды интеллектіні енгізу және жоғары технологиялық жобаларға инвестиция тартуға арналды.

Қазірдің өзінде өңірде агроөнеркәсіп кешені, көліктік инфрақұрылым және медицина салаларын цифрландыру қарқынды түрде енгізіліп жатыр.

• 21.01.2026
• 6