құттықтау

Құрметті Павлодар облысының тұрғындары!

Сіздерді еліміздің ең киелі мерекесі - Тәуелсіздік күнімен құттықтаймын!

 Қилы-қилы кезеңдерді бастан кешірген қазақ халқы ел бастаған көсемдердің, жер қорғаған батырлардың арқасында қазіргі бейбіт те мамыражай заманға жетіп отыр.

1986 жылы Алматы қаласында қазақтың өр рухты жастары кеңестік қасаң идеологияға қарсы тұрып, демократиялық пен жариялылықты қолдаған еді. Желтоқсан оқиғасына қатысқан азаматтар бүгінде арамызда жүр. Оларға лайықты құрмет көрсетіп, ерліктерін ұлықтау өскелең ұрпақ үшін мағыналы тәрбие берудің бір жолы.

Егемендіктің арқасында еліміз еңселі, мемлекеттігіміз тұрақты болып отыр. Облысымыздың жастары да өңіріміздің дамуына зор үлес қосып жатыр. Елбасы Нұрсұлтан Әбішұлы Назарбаевтың шешімімен 2019 жыл – «Жастар жылы» деп жарияланған еді. Жастар жылы аясында өңірімізде көптеген маңызды іс-шаралар жүзеге асырылды. «Ертіс дарыны» жобасының шеңберінде аймағымыздағы өнер, мәдениет, журналистика, өндіріс саласында қарымды еңбек еткен жастарымыз анықталып, арнайы стипендиямен марапатталды. Әр аудан мен қалада «Жас кәсіпкер» жобасы бойынша жастар қауымы өздерінің бизнес-жобаларын қорғап, мемлекет берген грантқа өз істерін ашып жатыр. Бұл игі шаралардың бәрі де тәуелсіз елдің жастарын оқу мен ғылымға, бірлік пен ынтымаққа жетелейді.

        Қадірлі жерлестер! Сіздерге зор денсаулық, баянды бақыт тілеймін. Әр шаңырақта сәбилердің шат күлкісі естіліп, үйлеріңізде құт-береке болсын. Қастерлі Отанымыз – Қазақстан Республикасы өркендеп, дами берсін!    

Болат БАҚАУОВ

                 Павлодар облысының әкімі

• 13.12.2019
• 397