ЭКА ҚДБ-ның цифрлық теңгемен берген алғашқы қарызын сақтандырумен қамтамасыз етті

«Қазақстанның экспорттық-кредиттік агенттігі» АҚ (ЭКА) «Қазақстанның Даму Банкі» АҚ-ның (ҚДБ) бірегей пилоттық жобасын сақтандырумен қамтамасыз етті: елімізде алғаш рет экспорттық қаржыландыру цифрлық теңгені қолдану арқылы жүзеге асырылды. Жобаны ҚДБ «Банк ЦентрКредит» АҚ (БЦК), Қазақстан Ұлттық Банкі және Ұлттық төлем корпорациясының қатысуымен іске қосты.   

Бұл – ҚДБ-ның цифрлық теңгені қолдана отырып берген алғашқы қарызы. Валютаның жаңа түрінің басты артықшылығы – қаражаттың толықтай қадағалануы. Цифрлық теңгені пайдалану мемлекет пен қаржы институттарына транзакциялардың ашықтығы мен жылдамдығын қамтамасыз ете отырып, ақшаның мақсатсыз жұмсалу тәуекелдерін жоюға мүмкіндік береді.  

«Пилоттық» жобаның алғашқы қатысушысы май-тоңмай өнімдерін өндірумен айналысатын «Qazaq-Astyq Group» ЖШС болды. ҚДБ кәсіпорынға шикізат сатып алу үшін цифрлық теңгемен қарыз берді. Механизм келесідей жұмыс істеді: қаражат қарыз алушының ҚДБ-дағы цифрлық шотынан БЦК-дағы шотына олардың мақсатты пайдаланылуы расталғаннан кейін ғана аударылды.

Өз кезегінде ЭКА кәсіпорынның экспорттық келісімшарттарын сақтандырды. Бұл компанияға шетелдік нарықтарға шығу кезіндегі коммерциялық және саяси тәуекелдерді азайтуға мүмкіндік берді. Қазіргі уақытта ҚДБ мен ЭКА қолдауымен компания күнбағыс және рапс майын, күнжара және фосфатидті концентраттарды экспорттайды. 

ЭКА өкілдері цифрлық құралдарды енгізу шикізаттық емес экспорт экожүйесін жүйелі сүйемелдеуге көшу стратегиясының бір бөлігі екенін атап өтті.

2025 жылдың қорытындысы бойынша Агенттік тарапынан экспорттаушыларды қолдау көлемі 650 миллиард теңгеден асты. 2026 жылы ЭКА қолдау көлемін 900 миллиард теңгеге дейін ұлғайтуды жоспарлап отыр, бұл қазақстандық кәсіпорындардың анағұрлым кең ауқымын қамтуға мүмкіндік береді.

Анықтама: «Қазақстанның экспорттық

• 27.01.2026
• 6