Тараз қаласының Мамыр тоғайында мүмкіндігі шектеулі жандарға арналып «Асар» оңалту-сауықтыру орталығы ашылды

Тараз қаласының Мамыр тоғайында мүмкіндігі шектеулі жандарға арналып «Асар» оңалту-сауықтыру орталығы ашылды.

Бүгінде Жамбыл облысында мүмкіндігі шектеулі жандарды қолдауға бағытталған мақсатты саясат тиісінше жүзеге асып келеді. Осы орайда айта кету керек, өткен жылы мүгедектігі бар балаларды оңалту және бейімдеу орталығы жаңа ғимаратқа көшірілген болатын. Сол секілді 2020 жылдың тамыз айында «Атлетик» спорт кешенінің базасында оңалту орталығы іске қосылды.

Айта кету керек, «Асар» кешенінің құрылысына 57 миллион теңге жұмсалса оған «Айқын МСБ» ЖШС демеушілік ете білді. Бюджет қаржысы шығындалған жоқ. Жергілікті билік тарапынан 0,9 га жер бөлінген, ондағы нысандардың жалпы ауданы 900 шаршы метрден асады. Орталықта бір мезетте 60 адамға дейін оқып, жұмыс істей алады.

Орталықта өз бетінше қозғалып немесе отырып жұмыспен айналыса алатын келушілер жұмысқа орналасу немесе өз ісін ашу үшін жаңа кәсіптерді игеретін болады.

• 29.03.2021
• 257