Жамбыл облысының Бесжылдық ауылына кіре берісте аллея ашылды

Жамбыл облысының Бесжылдық ауылына кіре берісте аллея ашылды. Оның басты композициясы ретінде биіктігі 24 метрлік ту-тұғыр орнатылып, Қазақстан Республикасының мемлекеттік туы тігілді.  

Бұл композицияның осы жерде орнатылуы кездейсоқтық емес, өйткені мемлекеттік рәміздің авторы Шәкен Ниязбеков Бесжылдық ауылының тумасы. Оның жұмыстарын «Жұмыспен қамтудың жол картасы» бағдарламасы аясында «MadG» жауапкершілігі шектеулі серіктестігі жүргізді. Аумағы – 0,14 гектарды құрайды. Жоба авторы – Жомарт Қонысбаев.

Мемлекеттік рәміздерді әрбір азамат білуі және құрметтеуге міндетті. Олар ата-бабалардың тарихы мен ерлік істерін, жеріміздің жомарттығы мен байтақтығын айшықтайды.

Салтанатты рәсімнен кейін жергілікті ақсақалдармен әңгімеге тартып, халықтың хал-ахуалына, көңіл-күйіне көңіл бөлдім.

• 29.03.2021
• 333