Облыстағы Жамбыл ауданының Жамбыл ауылында Жамбыл атындағы мектеп ашылды

Облыстағы Жамбыл ауданының Жамбыл ауылында Жамбыл атындағы мектеп ашылды.

Шағын ауылда 68 үй бар десек, ондағы тұрғындар саны – 546. Осыған орай жаңа мектеп те кішігірім, екі қабатты, жинақы болып бой көтерген. 100 оқушылық орынға арналған оқу ордасында 18 кабинет бар және асхана, кітапхана, спортзал, екі шеберхана, жылы әжетханамен қамтылған. Онда 14 бейнекамера орнатылған.

Мектеп «Жұмыспен қамтудың жол картасы» бағдарламасы аясында салынды десек, оның құрылысына 479 миллион теңге бөлінген. Мердігер – «ТаразҚұрылысИнвест» ЖШС.

Білімді және мәдениетті жас ұрпақ, сапалы адам капиталы – елдің тұрақты дамуының кепілі. Сондықтан бірінші кезекте мектептер салу мен білім сапасын арттыруға барынша көңіл бөлінеді. Өткен жылы өңірімізде 21 білім беру нысанының құрылысы басталып, оның 13-і пайдалануға берілді.

• 29.03.2021
• 291