Құрметті блог қолданушылары!

Құрметті блог қолданушылары!

Сіздермен маңызды жаңалықты бөліскім келеді!

«Ашық диалог»  блог-платформасында https://dialog.egov.kz) "Ашық үкімет" интернет-порталының квазимемлекеттік сектор ұйымдарының: ұлттық басқарушы холдингтердің, ұлттық компаниялардың, мемлекет қатысатын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың бірінші басшыларының блогтары құрылуда.

Аталған блогтар арқылы тұрғындар өздерінің өтініштерін квазимемлекеттік сектор ұйымдарының бірінші басшыларына жолдай алады.  («квазимемлекеттік сектор ұйымдары» бөлімі арқылы).

Сонымен қатар, квазимемлекеттік ұйымдардың бірінші басшылары ҚР заңнамасына сәйкес тұрғындардың өтініштеріне уақытылы және сапалы жауап беруі керек екендігін еске саламын.

Бүгін осы порталда 79  ұйымның бірінші басшыларының блогы іске қосылды (мысалы, «Бәйтерек «Ұлттық басқарушы холдингі» АҚ, «ҚазАгро» Ұлттық басқарушы холдингі» АҚ, «Қазақстан» РТРК» АҚ, «ҚазАвтоЖол»ҰК» АҚ, «Ұлттық нейрохирургия орталығы» АҚ және т.б.).   

Сонымен қатар, азаматтардың берілген жауаптың сапасын бағалауға мүмкіндігі бар екенін атап өткім келеді. Бұл лайк немесе дизлайк түймесін басу арқылы немесе пікір қалдыру  арқылы жүзеге асырылады.    

 Сіздің пікіріңіз біз үшін өте маңызды!

• 13.12.2019
• 639