ИНДУСТРИЯЛЫҚ АЙМАҚТА ЖАҢА МГТЭС ОРНАТЫЛАДЫ

«Vega Power» компаниясының басшылығымен кездесу өтті. Келіссөздер барысында инвестордың индустриялық аймақ аумағында энергетика және өндіріс салалары бойынша стратегиялық бастамаларды жүзеге асыру жоспары талқыланды. Негізгі жоба – табиғи газбен жұмыс істейтін, қуаттылығы 26 МВт болатын модульдік газтурбиналық электр станциясының құрылысы. Қазіргі таңда жоба өңірлік үйлестіру кеңесімен мақұлданып, нысан салу үшін 3 гектар жер телімі бөлінді. Бұдан бөлек, холдинг өңдеу өнеркәсібі бағытында тағы 15 жобаны қолға алмақ.

Кездесуде қытайлық инвесторлар жұмыс барысын баяндап, құрылыс маусым айына дейін басталатынын айтты. Жергілікті атқарушы органдар тарапынан барлық қажетті қолдау мен сүйемелдеу болады. Тиісті құжаттарды жедел рәсімдеу мен техникалық мәселелерді шешу үшін арнайы жұмыс тобын құру туралы нақты тапсырмалар берілді.

Жиын қорытындысы бойынша ынтымақтастық туралы меморандумға қол қойылды.

• 04.05.2026
• 4