Бүгін қаза болған құтқарушының туыстарына мемлекеттік награда табыстадым

Бүгін қызметтік міндетін өтеу кезінде қаза тапқан азаматтық қорғау майоры Дамир Тарановқа Мемлекет басшысының Жарлығымен берілген «Ерлігі үшін» медалін марқұмның туыстарына арнайы табыстадым.

Құтқарушылардың жұмысы күрделі, әрі түрлі қатерге толы, олар халықтың қауіпсіздігі үшін күн-түн демей тынымсыз қызмет етеді. Солардың қатарында қызметтік міндетін атқару кезінде ерлікпен қаза тапқан азаматтық қорғау майоры Дамир Таиржанұлы Тарановтың есімін ерекше құрметпен атаймыз. Оның ерлігін ескеріп, қаза болғаннан кейін Мемлекет басшысы «Ерлігі үшін» медалімен наградтады. Дамир бауырымыз өзінің өнегелі өмірімен бір әулеттің ғана емес, бүкіл халықтың ұлына айналды. Батырдың жарқын бейнесі әріптестерінің, барша жерлестерінің жүрегінде сақталады. Ал оның ерлігі кейінгі ұрпақ үшін нағыз патриоттықтың үлгісі болатыны анық.

• 08.05.2026
• 6