ТӘРТІП САҚШЫЛАРЫНА ТЕМІР ТҰЛПАРЛАР ТАБЫСТАЛДЫ

7 мамыр – Отан қорғаушы күніне орай облыстық полиция департаментіне су жаңа 81 көлік берілді.

Кейінгі 3 жылда халықтың өмірін қамтамасыз ететін салалардың материалдық-техникалық базасын жақсарту мақсатында облыстық бюджеттен 15 млрд теңгеден астам қаржыға 1 мыңға жуық арнайы техника сатып алынса, соның 331-і тәртіп сақшыларына табысталды. Былтырдың өзінде облыстық бюджет комиссиясының шешімімен 935 млн теңге бөлініп, 66 автокөлік сатып алынды. Көрсетілген қолдау мен нақты істер «Заң мен тәртіп» қағидатын ілгерілетуге, полицияның беделін арттыруға және халықтың сенімін нығайтуға бағытталды. 

Салтанатты жиында бір топ полиция қызметкеріне мерзімінен бұрын шендер беріліп, ҚР Ішкі істер министрі, облыс әкімі және департамент бастығының атынан марапаттар табысталды.

• 12.05.2026
• 8