Диев ауылында скверді абаттандыру жобасы қолға алынды

Аймағымызда 2024 жылдан бері Мемлекет басшысы бастамашы болған «Таза Қазақстан» республикалық экологиялық бағдарламасы кешенді түрде іске асырылып жатыр.

2024 жылы облыс әкімі Құмар Ақсақалов барлық қолжетімді бос аумақтарда саябақтар мен скверлер салу жөнінде тапсырма берген болатын. Қайтадан жайлы қоғамдық кеңістіктерді мүмкін болған жерлердің барлығында құру қажеттігіне назар аудару қажеттігін айтты.

«Бұл іс-шараларға жастар мен жергілікті кәсіпкерлерді тарту қажет. Іс жүзінде барлық ауылдарда қаңырап бос тұрған үйлер мен ғимараттар бар», – деген болатын аймақ басшысы.

Бизнестің әлеуметтік жауапкершілігі мен ауыл инфрақұрылымын дамыту аясында «Диевская Агрофирмасы» ЖШС «Диев ауылындағы скверді абаттандыру» жобасын бастады. Жалпы инвестиция көлемі – 40 млн теңге.

Жоба ауыл тұрғындары үшін заманауи әрі жайлы қоғамдық кеңістік құруды көздейді. Оның аясында балалар ойын алаңын, воркаут-аймақты, волейбол және баскетбол алаңдарын салу, сондай-ақ демалыс аймағын абаттандыру жоспарланған. Қосымша түрде брусчатка төсеу, орындықтар мен көше жарығы тіректерін орнату қарастырылған.

Жобаны іске асыру 2026–2027 жылдарға жоспарланған және ол ауыл тұрғындарының өмір сүру сапасын жақсартуға, халықтың белсенді демалысы мен бос уақытын тиімді өткізуіне жағдай жасауға маңызды үлес қосады.

Айта кетейік, облыс бойынша «Таза Қазақстан» бағдарламасын іске асыруға 2024 жылдан бері 40,3 млрд теңге бөлінді. 400-ден астам қоғамдық кеңістік абаттандырылды, 250-ден астам балалар және спорт алаңдары орнатылды, 600-ге жуық заңсыз қоқыс үйінділері жойылды, 1250-ден астам ескі және қаңырап бос тұрған ғимараттар сүрілді, 277 мыңнан астам ағаш пен көшет отырғызылды.

Биыл облысты абаттандыруға шамамен 16 млрд теңге бөлінді. Елді мекендерде 77,3 мың көшет отырғызу жоспарлануда. 37 көпқабатты тұрғын үйді жөндеу, 31 балалар алаңын орнату және ескі әрі апатты тұрғын үйлерді бұзу жұмыстары қарастырылған.

Сонымен қатар, қоғамдық кеңістіктер мен аулаларды абаттандыру, барлық елді мекендердің аумақтарын тазарту, қатты тұрмыстық қалдықтар полигондарын талапқа сәйкестендіру және заңсыз қоқыс үйінділерін жою жұмыстары жалғасады.

• 13.05.2026
• 8