«KOREM» АҚ 2026 жылғы 19 мамырда өткен қуаты 100 МВт Солтүстік аймақтағы жел электр станцияларын салу жобаларын іріктеу бойынша аукциондық сауда-саттықтың қорытындылары туралы хабарлайды.

   2026 жылғы 19 мамырда Қазақстан Республикасы Бірыңғай электр энергетикалық жүйесінің (ҚР БЭЖ) Солтүстік аймағында жиынтық белгіленген қуаты 100 МВт болатын жел электр станциясын (ЖЭС) салу жобаларын іріктеу бойынша аукциондық сауда-саттық өтті.

   Аукциондық сауда-саттыққа 7 компания қатысуға жіберілді. Сауда-саттық сессиясы барысында қатысушылар тарапынан 25 баға ұсыныстар беріліп, ұсынылған өтінімдердің жиынтық көлемі 600 МВт құрады.

   Аукциондық сауда-саттық қорытындысы бойынша «Plenitude Kazakhstan» ЖШС жеңімпаз деп танылды. Жобаның белгіленген қуаты 100 МВт, аукциондық бағасы – 11,48 теңге/кВт·сағ (ҚҚС-сыз).

   Сауда-саттыққа бақылаушы ретінде Қазақстан Республикасы Энергетика министрлігінің, «Qazaq Green» ЖЭК қауымдастығы» ЗТБ-ның, «Қазақстан электр энергетикалық қауымдастығы» ЗТБ-ның, «Атамекен» ҚР ҰКП өкілдері қатысты. Бақылаушылар «KOREM» АҚ оператор болып табылатын электрондық сауда жүйесінің ашықтығы мен дұрыстығын растады.

   ЖЭС салу жобаларын іріктеу бойынша келесі аукциондар 2026 жылғы 20 мамырға жоспарланған. Өткізу аймағы – Солтүстік аймақ, жиынтық белгіленген қуаты – 100 МВт.

• 20.05.2026
• 7