ОРТАЛЫҚ ДАҢҒЫЛДЫ ЖАҢҒЫРТУ ЖҰМЫСТАРЫ ЖАЛҒАСУДА

Назарбаев даңғылын абаттандыру жұмыстарын жүргізу мақсатында қала тұрғындары мен қонақтарына жайлы орта қалыптастыруды көздейтін бұл жобаның құны – 600 млн теңге. Бүгінде мердігер компания анықталып, іске кірісті. Қазіргі уақытта жауапты мекеме 1 шақырымнан астам жаяу жүргіншілер жолының ескі асфальт жабынын қырып, орнына төсемтастар төсеуде. Бұған қоса, көшедегі арық жүйесі де жаңғыртылады. Сондай-ақ бөлінген қаражат шеңберінде аталған аумаққа көгал егіліп, сәндік ағаш көшеттері отырғызылмақ.

Қазіргі таңда құрылыс қарқынды жүріп жатыр. Оған қажетті материалдар мен қол күші жеткілікті. Мердігер абаттандыруды мамыр айының соңына дейін толық аяқтауды жоспарлап отыр. Көшелердегі тазалық шараларын күшейтуді және ескірген жарық бағаналарын жаңартуды тапсырылып, нақты міндеттер жүктелді.

• 20.05.2026
• 5