Қазақстан Ядролық сынақтарға жан-жақты тыйым салу туралы шарт жөніндегі ұйымның Дайындық комиссиясының жұмыс тобын басқарды

Қазақстан Республикасы Ұлттық ядролық орталығының бас директоры Эрлан Батырбеков Ядролық сынақтарға жан-жақты тыйым салу туралы шарт жөніндегі ұйымның (ЯСЖТШҰ) Дайындық комиссиясының B жұмыс тобының төрағасы болып сайланды.

Біздің елімізден кандидатураның ұсынылуы – Қазақстанның ядролық қарудан азат әлемге қол жеткізуге бағытталған саясатты іске асырудағы бірегей тәжірибесіне негізделген салмақты шешім. Тағайындау Семей сынақ полигонының жабылуына 30 жыл толуымен сәйкес кеп отыр.

Төраға лауазымында Қазақстан Ядролық сынақтарға жан-жақты тыйым салу туралы шарт ұйымының бастамаларын ілгерілетуге барлық күш-жігерін жұмсайды. Бұл еліміздің ядролық сынақтарға жаппай тыйым салу процесіне қосқан тағы бір маңызды үлесі болмақ.

Еліміз Ядролық қаруды таратпау туралы шартқа және Ядролық сынақтарға жан-жақты тыйым салу туралы шартқа (ЯСЖТШ) ТМД елдерінің арасында алғашқылардың бірі болып қосылғанын атап өту маңызды.

Қазақстан өткен жылдар ішінде Ядролық сынақтарға жаппай тыйым салу туралы шарт жөніндегі ұйымға (ЯСЖТШҰ) елеулі қолдау білдірді және оның мақсаттарына қол жеткізуде шешімділік көрсетті.

• 31.03.2021
• 286