МӘДЕНИЕТ ЖӘНЕ ӨНЕР ҚЫЗМЕТКЕРЛЕРІНЕ ҚҰРМЕТ КӨРСЕТІЛДІ

21 мамыр – мәдениет және өнер жұмыскерлері күні. Осыған орай «Атамекен» өнер ордасында салтанатты жиын, мерекелік концерт өтті.

Мемлекеттік қолдаудың нәтижесінде кейінгі 3 жылда облыста 16 жаңа мәдениет нысаны салынып, 42 ғимарат күрделі жөндеуден өтті. «Қазақстан халқына» қорымен бірлесе отырып, 25 ауылдық кітапхананы жаңғырттық. Заманауи нысандарда кітап оқып қана қоймай, мәдени тынығуға да қолайлы жағдай қарастырылды. А.Островский атындағы облыстық драма театры қайта қалпына келтірілсе, ал Хадиша Бөкеева атындағы облыстық қазақ драма театрын күрделі жөндеу тамыз айында аяқталады. 

Мерекелік шарада мемлекеттік марапаттар табысталды. Облыстық тарихи-өлкетану музейінің бөлім меңгерушісі Қуандық Мәдір «Құрмет» орденімен, ал облыстық зағип және нашар көретін азаматтарға арналған арнаулы кітапхананың директоры Марфуға Айтқалиева «Шапағат» медалімен наградталды. Сала қызметкерлері мен ардагерлердің бір тобы алғыс хат және арнайы сыйлықтармен марапатталды.

• 21.05.2026
• 4