Ақтоты Райымқұлова Юрий Аравинді құттықтады

Бүгін Қазақстан Республикасының Мәдениет және спорт министрі Ақтоты Райымқұлова музыкатанушы, профессор, сыншы, теле және радиожүргізуші, Қазақстанның еңбек сіңірген қайраткері, «Парасат», «Отан» орденінің иегері Юрий Аравинді 80 жасқа толуымен құттықтады.

«Юрий Петрович!

Сізді 80 жасқа толуыңызбен шын жүректен құттықтаймын!

Сіз қазақ музыкасы тарихын, оның жанрлық әртүрлілігін, фольклорын індете зерттеп, бүгінде тамырын терең жаюына, өрісін кеңейтуге үлес қосып келе жатқан зерделі зерттеуші, ардақты ұстазсыз.

Ұзақ жылдан бергі еселі еңбегіңіздің жемісіне айналған радио және телебағдарламалар, мақалалар арқылы өскелең ұрпақ ұлттық музыка өнері жайлы құнды мәліметтермен танысып, қыр-сырын біліп жатыр.

Осынау ерекше сәтті пайдалана отырып, Сізге ұзақ ғұмыр, зор денсаулық, қажымас қайрат, отбасыңызға амандық пен ортаймас несібе-дәулет тілеймін!»,-деп жазылған министрдің құттықтау хатында.

Айта кетейік, Юрий Аравиннің 80 жасқа толуына орай Мемлекет басшысы Қасым-Жомарт Тоқаев танымал музыкатанушыны 13 наурызда «Отан» орденімен марапаттаған еді.

• 02.04.2021
• 201