Қостанайда макарон фабрикасының құрылысы басталды

Қостанай облысының әкімі Құмар Ақсақалов KAIZEN ЖШС-нің жұмыс барысымен танысты. Компания жылына 40 мың тонна өнім шығаратын ірі макорон фабрикасын салуды бастады.

Мемлекет Басшысы үш жыл ішінде агроөнеркәсіп кешеніндегі қайта өңделген өнім үлесін 70%-ке дейін ұлғайту міндетін қойған болатын.

Аймағымыз өңдеу өнеркәсібі жөнінен республикада көш бастап тұр.

Қостанайда 2023 жылы KAIZEN ЖШС-нің бұршақ дақылдарын өңдеу зауыты ашылды. Кәсіпорынға Түркияның Arbel холдингі 4 млрд теңге инвестиция салып, нәтижесінде 70 жаңа жұмыс орны ашылды. Өткен жылы мемлекетке 100 млн теңгеден астам салық төледі.

Зауыт бұршақ дақылдарын өңдеу бағытындағы соңғы үлгідегі және заманауи технологиялық кәсіпорындардың бірі.

«Қазақстанда былтыр жалпы 8,5 млн тонна өнім экспортталса, соның 2,7 млн тоннасы Қостанай облысына тиесілі. KAIZEN кәсіпорны тек өткен жылы 180 мың тонна өнім шығарып, экспорттады. Arbel холдингі енді жылына 40 мың тонна өнім шығаратын ірі макорон фабрикасын салуды бастады. Жобаның инвестициялық көлемі – 15 млн АҚШ доллары. 70 жаңа жұмыс орны құрылады», – деді аймақ басшысы. 

• 27.06.2026
• 5