Биыл Қостанай облысының құрылғанына 90 жыл

Аймақ басшысы Құмар Ақсақаловтың төрағалығымен өткен облыс әкімдігінің отырысында өңіріміздің 90 жылдығын мерекелеу жөнінде айтылды.

«90 жылдық – мерейтой емес. Ол – өңірдің бай тарихи жолына тағзым етіп, оны қалыптастырып, дамытуға өлшеусіз үлес қосқан азаматтарға құрмет көрсетуге, облыстың бүгінгі жетістіктері мен зор әлеуетін танытуға берілген мүмкіндік. Іс-шаралардың басты мақсаты – санында емес, мазмұнында. Негізгі бағыт жас ұрпақтың өңірімізге деген мақтаныш сезімін нығайтуға, тарихи жадымызды сақтауға және отансүйгіштік рухта тәрбиелеуге бағытталады», – деді Құмар Ақсақалов.

Аймақ басшысы басты міндет – облыс тұрғындарының осы айтулы күннің маңызын терең сезінуін және өткізілетін іс-шаралардың болашақ буынға тағылымды мұра болып қалуын қамтамасыз ету екенін атап өтті.

• 01.07.2026
• 7