Соңғы үш жылда облыс экономикасы 1,4 есеге өсті

Аймақ басшысы Құмар Ақсақаловтың төрағалығымен облыс әкімдігінің отырысында өңіріміздің 2026 жылғы бірінші жартыжылдығындағы әлеуметтік-экономикалық даму қорытындылары қаралды.
Мемлекет басшысының тапсырмасына сәйкес, өңірлер алдына кемінде 6% экономикалық өсімді қамтамасыз ету міндеті қойылған. Соңғы екі жылда Қостанай облысы 8%-дан асатын өсімге қол жеткізді. Біздің мақсатымыз – осы қарқынды сақтап қалу.
«Соңғы үш жылда облыс экономикасы 1,4 есеге өсіп, 6 триллион теңгеге жетті. Инвестиция көлемі 1,6 есеге артып, 802 миллиард теңгені құрады. Бүгінде Қостанай облысы Қазақстандағы машина жасау өнімінің жалпы көлемінің 25%-ын қамтамасыз етеді», – деді аймақ басшысы.
Өңірде ірі инвестициялық жобаларды жүзеге асыру, сондай-ақ жаңа өндірістік нысандарды, тұрғын үйлер мен әлеуметтік инфрақұрылымды салу жұмыстары жалғасуда.
Басты мақсат – аймақтың тұрақты дамуын қамтамасыз ету және экономикалық өсу нәтижелерінің Қостанай облысы тұрғындарының өмір сүру сапасын одан әрі жақсартуға ықпал етуіне қол жеткізу.

• 22.07.2026
• 9