«ҚазжолҒЗИ» АҚ Қазақстандағы ғылыми ұйымдар арасында журналдардағы жарияланымдары бойынша 11 орында

Қайырлы күн! Жағымды жаңалықпен бөліскім келіп отыр. «ҚазжолҒЗИ» АҚ Web of Science және Scopus индекстелетін журналдарда 2015-2020 жылдар аралығындағы жарияланым белсенділігі бойынша Қазақстанның 45 үздік ғылыми ұйымның арасында 11-орынға ие болды.  Рейтингті әл-Фараби атындағы ҚазҰУ-дың физико-химиялық зерттеу әдістері және талдау орталығының директоры, профессор Болат Кеңесов құрастырды.

Соңғы 4 жылда институтпен жоғары рейтингті халықаралық ғылыми журналдарда 125 мақала жарияланған. ҚазжолҒЗИ-дың Scopus и Web of Science ақпараттық деректер базасында 157 мақаласы бар.

 Шетелдік авторлар институт қызметкерлерінің жариялаған ғылыми мақалаларына сілтемелерді жиі жасайтын болды. Бұл дәйексөздердің жоғары көрсеткіштерімен дәлелденуде. Мәселен, ҚазжолҒЗИ-дың бірінші жетекшісі, профессор Бағдат Телтаевтың Хирш индексі 2021 жылы Scopus ақпараттық деректер базасында 13, ал Web of Sciences деректер базасында 10-ды құрайды. Институт мақалалары бүгінге дейін барлығы дереккөз ретінде 881 рет қолданылған.

• 07.04.2021
• 289