Ұлттық жоба аясында: Талдықорған қаласындағы магистралды жылу желілерін жаңғырту жұмыстары аяқталуға жақын

Жетісу облысының орталығы Талдықорған қаласындағы магистралды жылу желілерін жаңғырту жұмыстары аяқталуға жақын. Алдымен Біржан сал көшесі бойындағы Д400/350/250 мм жылу желісін реконструкциялау ісінің аяқалысын көрдім. Мердігер ұйым өкілінің айтуынша, мұнда ұзындығы 1 шақырымның 970 метрінде желілерді жаңғырту жұмыстары аяқталған, қалған 30 метрі екі күнде бітеді деп жоспарланып отыр. Қазір құрылысқа 48 адам, 18 техника жұмылдырылған. 

 Біз соңғы үш жылда Талдықорған қаласының бюджетін едәуір өсірдік. Соның нәтижесінде ауқымды құрылыс, абаттандыру жұмыстарын жүргізіп жатырмыз. Мәселен, Біржан сал көшесіндегі өздеріңіз тұратын үйлердің қасбеті жаңартылды, шатыры жөнделді, ауласы абаттандырылды, көшелеріңізге жаңа асфальт төселді. Бұл ретте өмір сүруге жасалып отырған қолайлы жағдайларды, яғни аялдамадарды, аулаларды, ортақ мүлікті күтіп ұстауға, жалпы оршаған ортаға жауапкершілікпен, қамқорлықпен қарауға балалар мен жастарды тәрбиелеуіміз керек. Бұл тұрғын үй иелерінің бірлестігі, ата-аналар комитеттері, аула тұрғындары, жалпы ересек азаматтар – бәрімізге ортақ міндет болуы тиіс.

Жалпы, биыл қала бойынша 24 көпқабатты тұрғын үйдің қасбетін жөндеу жоспарланса, соның 5-еуінде жұмыстар аяқталған, қалған үйлерде металл каркасты тіреуіш және фиброцементті панельдер орнату жұмыстары жүргізілуде, жұмыстар қыркүйек айының соңына дейін толық аяқталады деп жоспарланған. Ал межеленген 33 тұрғын үйдің шатырын жөндеу жұмыстары 22 үйде бітті. Қалған үйлердегі жұмыстар 15 қазанға дейін аяқталады деп көзделген.

• 25.09.2026
• 29