Сарыкөл ауданында шаңғы-велосипед трассасы салынып жатыр

Қостанай облысының әкімі Құмар Ақсақалов Сарыкөл ауданына барған жұмыс сапары барысында жергілікті әкімдік пен ауыл шаруашылығы тауар өндіруші арасында жасалған меморандум аясында салынып жатқан шаңғы-велосипед трассасының жұмысымен танысты. Бұл жұмысты «СарыкөлДорСтрой» ЖШС 75 млн теңге инвестиция қаражаты есебінен жүзеге асырып жатыр. Жалпы, ауданда 67 спорт нысаны бар, 315 спорт секциясы жұмыс істейді.

Сарыкөл ауданында агроөнеркәсіп секторы экономиканың 85%-ін құрайды. 557 ауыл шаруашылығы кәсіпорны жұмыс істейді. 271,3 мың га алқаптан өнім жиналып, 531,3 мың тонна астық бастырылды. Орташа түсім – 19,6 центнер. 61,6 мың га майлы дақыл жиналды. 8 айда 5,1 млрд теңгеге 91 ауыл шаруашылығы техникасы сатып алынды.

Ауданда 3 мал шаруашылығы нысан салынып жатыр. 4,7 млрд теңгенің 10 инвестициялық жобасы іске асырылуда.

«MEL-FARMAGRO» ЖШС 1,5 млрд теңге өз қаржысына асыл тұқымды ет бағытындағы ірі қара мал фермасын салып жатыр. 22 жаңа жұмыс орны ашылады.

Биыл ауданда 2,5 мың шаршы метр тұрғын үй пайдалануға беріледі. 30 жылдан кейін тұрғын үй құрылысы қайта жанданды. Қазіргі уақытта әлеуметтік осал топтағы азаматтарға арналып 1 640 шаршы метр 32 пәтерлі 2 үйдің, 260 шаршы метр 2 үйдің құрылысы жүріп жатыр. Бұдан бөлек, 14 пәтер сатып алу, 2 пәтерлі 6 үй салынады.

Ауданда 18 емдеу-профилактикалық мекемесі бар. Өткен жылы Крылов ауылында медициналық пункт пайдалануға берілді. Қазіргі уақытта Маяк ауылында фельдшерлік-акушерлік пункттің құрылысы аяқталды.

Сапар барысында облыс әкімі аудан жұртшылығымен кездесіп, өңірдің әлеуметтік-экономикалық дамуы туралы баяндады. Тұрғындардың сұрақтарына жауап берді.

• 02.10.2026
• 4