Солтүстік Қазақстан облысын дамытудың 2021-2025 жылдарға арналған кешенді жоспары қабылданды

Құрметті жерлестер, бүгін біздің аймақ үшін маңызды күн.  Үкімет отырысында Солтүстік Қазақстан облысын дамытудың 2021-2025 жылдарға арналған кешенді жоспары қабылданды.  Бұл Елбасының және ҚР Президентінің қолдауының арқасында мүмкін болды.  Бір жыл ішінде біз министрліктермен бірге маңызды құжатты әзірлеп, қабылдадық.

Алдағы 5 жылда облыс республикалық бюджеттен 500 миллиард теңге қаржы алады. Жылына 100 миллиардтан астам.  Бұл біздің аймақтың экономикасына үлкен қолдау.

Біз 52 сүт фермасын, 6 мал бордақылау алаңын, 2 құс фабрикасын салып, 10 жаңа өндірістік кәсіпорынды іске қосамыз.

Кешенді жоспар аясында біз ауылдарымыз бен қалаларымызды жаңартуға қомақты қаражат бағыттаймыз.  Елді мекендерде мектептер мен медициналық мекемелер жаңарып, ауылішілік жолдар мен су желілері жөнделеді.  Біз құрылыс көлемін ұлғайтамыз, 5 жылда 2 миллион шаршы метрден астам тұрғын үй салынады.

Ауылдарда 47 медициналық нысан ашылып, жаңа көпсалалы аурухананың орнында үлкен құрылыс жалғасады.  Алдағы бес жылда біз ауруханалардың жабдықтарын жаңартуға 12 миллиардтан астам теңге бөлеміз.  Жаңа мектептер салынады, университет үшін 73 зертханасы бар заманауи оқу ғимаратының құрылысы аяқталады.  Назарбаев Университетіне ұқсас жаңа университет те ашылады.  Қаржы сонымен қатар Имантау-Шалқар курорттық аймағында туризмді дамытуға жұмсалады.  Облыс орталығында 3 мың орындық үлкен спорт сарайы пайда болады, онда халықаралық жарыстар өткізуге болады.

Биылдың өзінде жаңа кешенді жоспарды жүзеге асыру бойынша ауқымды жұмыс атқарылуы керек.  Қаржылық құйылымның арқасында солтүстікқазақстандықтар барлық салаларда оң өзгерістерді сезінетін болады.

• 08.04.2021
• 230