Құрметті әскери барлау қызметінің әскери қызметшілері мен ардагерлері!

Бүгін – Әскери барлау күні. Осы айтулы күнге орай Қорғаныс министрлігінің басшылығы баршаңызды кәсіби мерекелеріңізбен құттықтайды!

Әскери барлау – мемлекеттің ұлттық қауіпсіздігін қамтамасыз етуде айрықша маңызға ие қызмет түрі. Мұнда қызмет ету жоғары кәсібилікті, қырағылықты, батылдықты және Отанға деген шексіз адалдықты талап етеді.

Осы орайда, әскери барлау саласының барлық әскери қызметшілері мен ардагерлеріне зор денсаулық, рухани беріктік, қызметте толағай табыс, отбасыларыңызға амандық, елімізге тыныштық пен тұрақтылық тілейміз.

Сіздердің мол тәжірибелеріңіз, терең білімдеріңіз бен таңдаған қызметтеріңізге деген адалдықтарыңыз алдағы уақытта да мемлекет мүддесі мен ұлттық қауіпсіздікті қорғауға адал қызмет етсін! Жүктелген әрбір міндет абыроймен орындалып, елімізде әрдайым бейбіт аспан болсын!

Мерекелеріңіз құтты болсын!
Абырой, ерлік және әскери борышқа адалдық – баршаңызға ортақ ұстаным болсын!

• 05.11.2026
• 4