- Блогтар
- Ақсақалов Қ. І.
Ақсақалов Қ. І.
Қостанай обласының әкімі
Қостанай облысында жөндеу жұмыстарынан кейін республикалық автокөлік жолының 56,7 км учаскесі ашылды
Шараға аймақ басшысы Құмар Ақсақалов қатысып, өңіріміз үшін бұл аса маңызды қадам екенін атап өтті.
«Мемлекет басшысы Қазақстанның Еуразиядағы негізгі транзиттік хаб ретіндегі мәртебесін нығайту міндетін қойғаны белгілі. Сондықтан жолдарды жаңғырту біздің облысымыз үшін аса маңызды. Өңіріміз арқылы еліміздің солтүстігі мен оңтүстігін, батысы мен шығысын байланыстыратын маңызды көлік дәліздері және Ресей Федерациясына шығатын транзиттік бағыт өтеді. Соңғы жылдары аймағымызда автомобиль жолдарын жөндеу жұмыстары айтарлықтай қарқын алды. Әсіресе республикалық маңызы бар жолдарға ерекше көңіл бөлінуде», – деді аймақ басшысы.
Бұған айғақ – жөндеу жұмыстарынан кейін «Астана – Қостанай – РФ шекарасы» автокөлік жолының 56,7 км болатын екі учаскесі ашылды.
Бұл жол учаскесінде соңғы рет жөндеу жұмыстары 2021 жылы жүргізілген, ал жолдың өзі 1980 жылы салынған.
Жалпы, облыста көлік қатынасын жақсарту мақсатында Ресей Федерациясы, Астана қаласы, Солтүстік Қазақстан және Ақтөбе облыстарына шығатын барлық негізгі бағыттардағы мыңдаған км жолдар қайта жаңғыртылғанын атап өту керек. Тек биыл 163 км болатын республикалық маңызы автомобиль жолының 5 учаскесінде жөндеу жұмыстары жүргізілді.
- 17.11.2026
- 13


