ТАЗАЛЫҚ - БАРШАҒА ОРТАҚ ІС

Облыс әкімі Ғали Есқалиев Зачаган кентіндегі көпқабатты үйлердің аулалары мен коммерциялық нысандарды аралап, Орал қаласындағы еріген қардан қалған қоқыстарды тазарту жұмыстарын жүйелі түрде жүргізу бойынша бірқатар тапсырмалар берді.
Кез келген дамыған елдің басты айқындаушысы – қаланың тазалығы мен қоғамдық тәртіптің тұрақты болуы. Алайда біздің шаһарда тазалық мәселесі күн тәртібінен түсер емес.
-Біз мұндай шараларды жыл сайын өткізуге мәжбүрміз, бұған екі себеп бар, - деді аумақтарды тексеру барысында сөз алған облыс басшысы.
-Ластанудың бірінші және басты себебі-тұрғындардың қоршаған ортаға деген жауапсыздығы. Мәдениетке ерекше назар аудару керек. Әр үйдің ауласында тазалықты бақылаумен айналысатын және тұрғындарды тазалыққа үндейтін ақсақалдар болуы қажет.
Екінші маңызды себеп-қоқыс контейнерлерінің жетіспеушілігі.
Тексеру барысында өңір басшысы Зачаган кенті әкімінің жұмысын сынға алып, экологиялық қауіпсіздікті қамтамасыз ету бойынша шаралар қабылдауды тапсырды. Сондай-ақ, тұрғындарды өздері тұратын аумақтың тазалығына жауапты болуға шақырды.
Бұдан бөлек, БҚО әкімі коммерциялық нысандарға қарасты аумақтарды да тексерді.
Осы жылдың қысында осы меншік иелерінің өздеріне қарасты аумаққа күтім жасамаған жағдайда жүйелі түрде еске салу тетігін әзірлеу туралы шешім қабылданды. Бұл тапсырыс толығымен орындалмай жатыр. Ғали Есқалиев бірқатар қалалық нысандарды аралап, Орал қаласы әкіміне осы мәселе бойынша ескерту жасады.
Айта кету керек, жеке меншік нысандарының аумағында қоқыс табылған жағдайда иесіне учаскені тазалау қажеттілігі туралы хабарлама жіберіледі. Егер қоқыс тазаланбаған жағдайда, иесіне 100 АЕК мөлшерінде айыппұл салынады.
Өңір басшысы қала басшысына қала стандартына сәйкес келмейтін коммерциялық нысандардың сыртқы жағдайын бақылау жұмысының кемшіндігіне байланысты тағы бір ескерту жасады.
Айта кетейік, қала тазалығын сақтау жұмыстарына еріктілер тобы, мониторингтік топ, округ депутаттары және облыстың барлық тұрғындары атсалысуы тиіс.

• 12.04.2021
• 238