БИЫЛ БҚО-ДА 16 МЫҢ АДАМҒА АРНАЛҒАН 16 СУМЕН ЖАБДЫҚТАУ НЫСАНЫ САЛЫНЫП, ҚАЙТА ЖАҢҒЫРТЫЛАДЫ

Мемлекет басшысының индустрияландыру және экономикалық өсуге қатысты тапсырмаларын орындау мақсатында өңірді дамыту бойынша белсенді кешенді жұмыстар жүргізілуде. Аталған жұмыстардың стратегиялық маңызды бағыттарының бірі - тұрғындарды сапалы ауыз сумен қамту болып табылады.
Айта кету керек, 2002-2010 жылдарға арналған «Ауыз су», «Өңірлерді 2020 жылға дейін дамыту» салалық бағдарламаларын іске асыру нәтижесінде 2002-2020 жылдар аралығында жалпы ұзындығы 3558 шақырым болатын 262 нысан салынып, қайта жаңартылды.
Бұдан бөлек, 2020-2025 жылдарға арналған «Нұрлы жер» тұрғын үй-коммуналдық дамуының мемлекеттік бағдарламасын іске асыру шеңберінде биыл 16 мыңнан астам тұрғынды қамтитын 16 сумен жабдықтау нысанын салуға және қайта құруға 4,2 млрд. теңге бөлінді. Сумен жабдықтау құрылымдарының жалпы ұзындығы 266 шақырымды құрайды.
Нәтижесінде сумен қамту көрсеткіші 2,8 пайызға артып, жалпы облыстың сумен қамту көрсеткіші 57,3 пайызды құрамақ.
Сондай-ақ, 244 елдімекен орталықтандырылған ауыз сумен қамтылатын болады.

• 15.04.2021
• 155