БАСПАСӨЗ ХАБАРЛАМАСЫ

2020 жылдың 15 қаңтарында Қазақстан Республикасының Заңнама және құқықтық ақпарат Институтында Қазақстан Республикасының «Атамекен» Ұлттық Кәсіпкерлер палатасының (бұдан әрі – «Атамекен» ҰКП) Қазақстан Республикасының Заңнама және құқықтық ақпарат институтымен (бұдан әрі – Институт) салтанатты түрде «Өзара ынтымақтастық туралы» меморандум жасалды.

Меморандумның мақсаты заңнаманың тиімділігіне талдау жүргізу бойынша өзара іс-қимылды қамтамасыз ету, сондай-ақ оны қолдану практикасы, құқық, экономика және басқа да ғылым салаларында бірлескен іргелі және қолданбалы ғылыми зерттеулер жүргізу, бірлескен іс-шараларға (ғылыми-практикалық конференциялар, дөңгелек үстелдер, семинарлар, вебинарлар және өзге де іс-шаралар өткізу) қатысу болып табылады.

Меморандумға қол қою рәсімін өткізу барысында «Атамекен» ҰКП Басқарма төрағасының орынбасары - Ұлттық палатаның басқарма мүшесі Рүстем Манарбекұлы Жүрсінов пен институт директоры Рамазан Құмарбекұлы Сәрпеков жоғарыда көрсетілген іс-шараларды жүзеге асырумен қатар, Қазақстан Республикасы Парламенті Мәжілісіндегі «Nur Otan» Партиясы Фракциясы мен «Атамекен» ҰКП ынтымақтастық жол картасын орындау бойынша өзара ынтымақтастыққа қызығушылық танытты.

• 17.01.2020
• 529