Шеңгелді ауылдық округінде «Оpen space» форматында сервистік әкімдік ашылды

16 сәуірде Алматы облысы Қапшағай қаласы Шеңгелді ауылдық округінде «Халық үніне құлақ асатын мемлекет» тұжырымдамасының жүзеге асырылу аясында «Open space» форматындағы сервистік ауылдық әкімдік ашылды. Бұл заманауи объектіге облыс әкімінің орынбасары Жеңіс Тұяқов барды, - деп хабарлайды Алматы облысы әкімінің баспасөз қызметі.

Барлық қажетті құралдармен жабдықталған жаңа мекеме қолданыстағы әкімшілік ғимаратында орналасқан. Онда 3 операция залы, күту залы, анықтама қызметі, жиын өткізетін кабинет бар. Өзіне өзі қызмет көрсететін бұрыш та ұйымдастырылған. Кіреберіс арнайы пандуспен жабдықталған, персоналды шақыру түймешесі, Брайль шрифтті мәтіні бар тақтайша.

"Open space" орталығында жер қатынастары, сәулет, ТҮКШ және тұрғын үй инспекциясы, әлеуметтік қамту және жұмыспен қамту, білім мәселелері бойынша мемлекеттік қызметтің 6 түрі көрсетіледі, тіркеу, қабылдау, құжат қабылдау жүргізіледі.

Сонымен қатар «Jetisy – adaldyq alańy» жобасының аясында «Jetisy – adaldyq alańy» жобалық кеңсесі өз жұмысын бастады. Ол мемлекеттік қызмет сапасын арттыруға, халықтың цифрлық сауаттылығын көтеруге, сыбайлас жемқорлық фактілерін болдырмауға бағытталған.

Мәселен, Шеңгелді ауылдық округінде Шеңгелді, Кербұлақ, Сарыбұлақ, Қосқұдық, Ақөзек ауылында өзіне өзі қызмет көрсететін 8 бұрыш жұмыс істейді. Енді сапалы мемлекеттік қызмет алу үшін жергілікті тұрғындар жаңа, заманауи "Open space" орталығына жүгіне алады.

• 19.04.2021
• 184