Қарулы Күштердің оқу-жаттығу полигондарын жазғы оқу кезеңіне дайындауда

Саперлер Қарулы Күштердің полигондарын жарылмаған оқ-дәрілерден тазартуға кірісті.

Аталмыш жұмыстарға бөлімшелердің инженерлік-саперлері мен полигон командалары қатысады. Тазарту барысында ашық жердегі әскери қызметшілердің арақашықтығы бес метрге дейін, ал қалың шөп пен бұталардың арасында екі метр болу керек.

Тапсырмаларды орындаудағы саперлердің қауіпсіздігін арнайы қорғаныс киімі, сондай-ақ бес метрге дейінгі тереңдікте жарылу қаупі бар заттарды табуға мүмкіндік беретін заманауи іздеу және барлау құралдары қамтамасыз етеді.

Жарылмаған қалдықтардан аумақты тазарту шаралары 2021 жылдың 21 мамырына дейін жалғасады.

Жылына екі рет өткізілетін дайындық кезеңінде полигондарды толық тазарту жұмыстары ұйымдастырылады. Оның басты мақсаты аумақта жарылғыш заттарды табу және олардың жойылуын толық тексеру болып табылады.

• 22.04.2021
• 210