«Рухани жаңғыру» бағдарламасын қорытындылады

Бүгін Архимед Мұхамбетов қалалар мен аудандардың әкімдерімен селекторлық кеңес өткізді, онда Қостанай облысында "Рухани Жаңғыру" бағдарламасын іске асыру қорытындылары мен жоспарлары талқыланды.

         Қостанай облысы әкімдігінің ішкі саясат басқармасының орынбасары Абылай-хан Кәкеновтың айтуынша, өткен жылы 7,7 млрд теңге сомаға 1611 іс-шара өткізілді.

         -2020 жылы бағдарламаның 3 бағыты бойынша жүйелі жұмыс ұйымдастырылды. Осылайша, "Туған жер" арнайы жобасы аясында меценаттармен, туған жер тумаларымен және азаматтық қоғаммен кешенді өзара іс - қимыл ұйымдастырылады, - деп баяндады А.Кәкенов.

         Осылайша, 300-ден астам меценаттың қатысуымен 14 мектеп жөнделді, 21 балалар және спорт алаңы салынды, 4 робототехника кабинеті ашылды, 9 мұқтаж отбасы тұрғын үймен қамтамасыз етілді, облыстың әлеуметтік мекемелерін 402 млн.теңгеден астам сомаға материалдық-техникалық құралдармен жарақтандыру жүргізілді.

         2021 жылы осы арнайы жобалар бойынша жұмыс жалғасатын болады. Бүгінгі таңда "Көркейе бер, Қостанай" жобасы аясында жоспарланған 160 іс-шараның 26 – сы аяқталды, 24 -і іске асырылу сатысында, 110 жоба жоспарлау сатысында тұр.

         Кеңес қорытындысы бойынша облыс әкімі Архимед Мұхамбетов қалалар мен аудандар әкімдіктеріне іс-шараларды сапалы әрі мазмұнды өткізуді тапсырды. Сондай-ақ, "Рахмет саған, Туған ел!» бағдарламасы бойынша жұмысты күшейтуді жүктеді.

• 22.04.2021
• 276