«CLAAS» сегiзiншi зауытын Солтүстiк Қазақстанда ашады

«CLAAS» -  ауылшаруашылығы техникасын шығару бойынша әлемдегі көшбасшы компания. Концерннің бүкіл әлем бойынша 7 зауыты бар: Германия, Франция, АҚШ, Қытай, Ресей, Венгрия және Өзбекстанда. Сегізінші зауыт Қазақстанда, атап айтқанда Солтүстік Қазақстан облысында ашылады. Бұл неміс әріптестерімен ұзақ, бірақ сәтті келіссөздердің нәтижесі.

Қазір жаңа кәсіпорынға ғимарат қайта қалпына келтірілуде. Бүгін біз «CLAAS» компаниясының жоба үйлестірушісі Вальдемар Прибпен бірлескен жобаның жүзеге асу барысын тексердік. Ол бір апта бойы жобалаушылар мен құрылысшылардың жұмысын үйлестіруде. Барлық құрылыс және жөндеу жұмыстары маусым айында аяқталады. 100-ге жуық  тұрақты жұмыс орны құрылады. Неміс концерні мамандарды таңдау және дайындаумен де айналысуда.

Бұл біздің аймақ және бүкіл ел үшін өте маңызды жоба. Біздің өңірде жоғары табысты әлемдік деңгейдегі өндіріс ашылады, ал біздің шаруалар «CLAAS»  комбайндары мен тракторларын, «Horsch» тұқым себу кешендерін 50% дейінгі жеңілдетілген бағамен сатып ала алады.

• 23.04.2021
• 314