Маңызды оқиға – COVID-19-ға қарсы Қазақстандық QazVac (QazCovid-in) вакцинасының бірінші партиясы жөнелтілген сәтіне куә болдық.

Маңызды оқиға – COVID-19-ға қарсы Қазақстандық QazVac (QazCovid-in) вакцинасының бірінші партиясы жөнелтілген сәтіне куә болдық. Қордай ауданындағы Биологиялық қауіпсіздік проблемалары ғылыми-зерттеу институты базасында өндірілген «QazVac» вакцинасының алғашқы 50 мың дозасы «СК-Фармацияның» хабтарына таратылып, одан әрі еліміздің барлық өңірлеріне жеткізілетін болады.
 
Бұл Қазақстан Республикасының Президенті Қасым-Жомарт Тоқаевтың отандық вакцинаны жасау бойынша  тапсырмасы орындалғанын көрсетеді. Ал, қазақстандық вакцинаның кезекті 50 мың доза көлеміндегі партиясын ағымдағы жылдың мамыр айында шығару жоспарлануда.

Айта кетейік, Дүниежүзілік денсаулық сақтау ұйымының тізіміне еніп, толық қауіпсіздігі дәлелденген QazVac вакцинасы 26 сәуірден бастап егіледі. Сондай-ақ, Биологиялық қауіпсіздік проблемалары ҒЗИ жанындағы биофармацевтикалық зауыттың құрылысы биыл аяқталып, оның базасында қазақстандық вакцинаны өндіру жалғасады.

Осы орайда ауқымды жұмыс атқарған биологиялық проблемалар ғылыми зерттеу институтының мамандарына ерекше алғысымды білдіремін.

• 26.04.2021
• 318