Халықаралық әйелдер күнімен құттықтау сөз.

Қымбатты ханымдар!

Өз атымнан және Қарулы Күштердің ер-азаматтары атынан сіздерді көктемнің шуақты мерекесі – Халықаралық әйелдер күнімен құттықтаймын!
Отбасының ұйтқысы, мейірімділік, махаббат пен бейбітшілік символы болып табылатын әйел затына құрметпен қарау – ата-бабамыздан қалған мұра.
Ұлы Жеңістің 75 жылдығы қарсаңында есімдері тарихқа алтын әріппен жазылған қазақ халқының даңқты қыздары Мәншүк Мәметова, Әлия Молдағұлова, Хиуаз Доспанова және ер-азаматпен бір сапта қайтпас қайсарлықпен Отанын қорғаған, тылда майдан үшін еңбек еткен ұлы дала арулары мәңгі есімізде сақталады.
Бүгінгі күні сіздер кәсіби міндетіңізді адал орындай отырып, Отанымызды қорғау жолында ұрпақтар сабақтастығын жалғастырушысыздар. Сіздерді жас буын – қазақ қыздары үлгі тұтуда.
Ер-азаматтарды шешуші қадам жасауда әрқашан қолдап, жігерлендірумен қатар сіздердің елдің қорғаныс қабілетін нығайту және Қазақстан армиясының қалыптасуы ісіне қосқан зор үлесіңізді біз әрқашан бағалай білеміз.
Қымбатты арулар! Әрқашан сүйікті де сүйкімді болыңыздар. Жүздеріңізден бақыт күлкісі кетпесін, жүректеріңіз қуанышқа толы болсын. Шаңырақтарыңыз жайлылық пен жылулықтың құт-мекені болсын!
Сіздерге шын жүректен зор денсаулық, отбасы амандығын, кәсіби қызметте табыс тілеймін!

• 07.03.2020
• 579