Апат айтып келмейді

1986жылы 26 сәуірде дәл осыдан 35 жыл бұрын , Украинаның Чернобыль қаласындағы атом стансасының төртінші электр блогында жарылыс болып , ауаға тараған  радионуклид йоды мен цезидің таралуы 30 шақырымға дейін жерді апатты аймақ алып жатты . Оған сол кездегі КСРО құрамына кіретін 15 республикадан әскерилер мен партизандық қызметке қосымша күштер тартылды . Олардың ішінде қазақстандық азаматтар да бар еді . Кербұлақ ауданынан осы мылтықсыз майданға 34 жігіт аттанған болатын . 26 сәуір күні аудан әкімдігінің мәжіліс залында аудан әкімі Сарыбаев Ғалиасқар Төлендіұлы барлық санитарлық талаптарды сақтай отырып , Чернобль апатына қатысқан аудан азаматтарымен жиын өткізді . Жиын басталмас бұрын « Өлі риза болмай , тірі байымайды » Жиынға қатысушылар орналасқан дегендей , « Ұлы даланың - ұлы даралары » атты саябақта Чернобыль апатында қаза тапқан ардагерлерге арналған ескерткішке гүл шоқтарын койып, тағзым етті.

   Тәуелсіздік халқымыздың тартқан тауқыметі аз емес . Соның бірі талай жылдардан көп халықтың жүрегіне жара бері салған Чернобль апаты » деген аудан әкімі Ғалиасқар Төлендіұлы Чернобль апаты туралы айтып өтіп , сол жылы өзінің Осы Кербұлақ ауданында Комсомол ұйымында қызмет еткенін , ауданнан талай жастарды өзі шығарып салғанын баян етті . « Мылтықсыз майданның зардабын ол кезде түсінген де , білген де жоқпыз » , деген ол , Чернобль апатына қатысқан азаматтарға жақсылықтар тілей отырып , алғысын білдірді . Арнайы Сыйлықтарын тапсырды . Кербұлақ аудандық мәслихат хатшысы аудандық мәслихаттың депутаты Бекиев Қайрат Ботайұлы , Дарын  мемлекеттік жастар  сыйлығының лауреаты ,  әскери жазушы Марат Жүнiс - бек , аудандық « Чернобль » қоғамдық ұйымының төрағасы Рахимов Жұмаділ сөз алып , жиналған қауымды бүгінгі мерекемен құттықтады . Чернобль апатының ардагері Рахимов Жұмаділ : - 2016 жылы Чернобль апатына қаза тапқан ардагерлерге арналған ескерткіш орнатылды . Осы бастаманы негізі Ерболатов Мәмит бастаған болатын . Кездесе қалған , жерде « Жігіттер , қаза тапқандарға ескерткіш қоялықшы » деп айтып жүретін . Ол қайтыс болып кеткеннен кейін , марқұмның ескерткіш орнату туралы айтқан ұсынысы қайта - қайта есіме түсе берді . Содан ескерткіш орнатуды Қолға алдық . Көмек қолын созған баршаңызға алғысымды білдіремін , - деген ол бір сәт майдандасын еске алды .

Алайда соған қарамастан осы оқиға туралы біраз кітап жаздым . Ондағы мақсат жастар білсін , шындықтың беті ашылсын деген ойдан туған еді . Жазып келдім , жаза да беремін . Бүгінде апатқа қатысқаннан тірі қалған 4,5 мыңның 3,5 мыңы мүгедектер санатында . Осыдан - ақ зардаптың қаншалықты ауыр екенін көруге болады . Патриоттық тәрбие беретін , бір уақыт басыңды иіп тағзым ететін ескерткіштер керек - ақ . Ол біздерден бұрын жастарымызға керек дей отырып , жиынды ұйымдастырған басшыларға азаматтық алғысын білдірді . Биыл Чернобыль апатына 35 жыл толып отыр . Ауданымызда жыл сайын Чернобыль апатына қатысқан және қаза тапқан жауынгерлерді еске алып , сол апаттан аман - есен елге қайтып келген және егемен елімізде өмір сүріп жатқан ардақты ардагерлерімізбен жиын өтеді . Өскелең жеткіншектерге Отанды сүюді насихаттап , елдіктің қадірін білуге үндеп , өскелең ұрпаққа өнеге - үлгі болып жүрген азаматтар саны өкінішке орай жыл өткен сайын кемуде , азайып барады . Небәрі 20-21 жастарында туған жері мен елінің абыройын асқақтатқан жерлестеріміздің ерен ерліктері , олардың есімдері ұмытылмақ емес .Бүгінгі жиын соның айғағы.

Ләйлә Ескендірқызы

• 11.05.2021
• 332