Наурыз мерекесімен құттықтау

Генералдар мен офицер мырзалар, сержанттар мен сарбаздар, қызметкерлер!

Сіздерді Ұлыстың ұлы күні – Наурыз мейрамымен құттықтаймын!

Наурыз – ежелгі заманнан бері келе жатқан түркі халқының ұлы мейрамы. Бұл күні күн мен түн теңеліп, жер беті жаңарып, тіршілік атаулы жанданады.

Табиғаттың жаңаруымен, көктем жылулығымен бірге келетін Наурыз мейрамы – жаңару мен жасампаздықтың бастауы, ырыc пен берекенің, бірлік пен ынтымақтың арқауы.

Бүгінгі күні тамыры тереңнен басталатын Наурыз мейрамының мән-мағынасы әлемде және елімізде қалыптасқан күрделі жағдай кезінде айрықша өзекті болып отыр.

Қазіргі жағдайда бізге бірлік пен қоғамдағы өзара түсіністік өте қажет. Тек бірге болсақ, біз барлық қиындықты жеңе аламыз.

Қарулы Күштердің әскери қызметшілері уақытша қиындықтар мен қауіпқатерге қарамастан кез келген жағдайда өз міндетін адал және қайсарлықпен орындауда.

Көпшілігіңіз Наурыз мейрамы күндері қызметте болып, азаматтардың тыныштығын күзетесіз. Осы қиын да күрделі кезеңде отбасыларыңыз сіздерге қолдау көрсетіп, қауіпсіздікті қамтамасыз етудегі қажетті шараларға түсіністікпен қарайтынына еш күмәнім жоқ.

Сіздерге және жақындарыңызға зор денсаулық, бақ-береке, отбасы амандығын, еңбекте толағай табыс тілеймін!

Отанымыз – Қазақстан Республикасы өркендей берсін!

Наурыз мейрамы құтты болсын!

• 21.03.2020
• 647