Жеке құрамды аттестациядан өткізу, қызмет өтілі мен іссапарларын есептеу ережелері өзгереді

Қорғаныс министрлігі қорғаныс ведомство басшысының кейбір бұйрықтарына өзгерістер енгізу туралы бұйрықтың жобасын әзірледі.

Атап айтқанда, келесі қорғаныс министрінің:

- 2015 жылғы 30 желтоқсандағы «Қазақстан Республикасы Қарулы Күштерінің әскери бөлімдері мен мекемелерінің азаматтық қызметшілерін аттестаттаудан өткiзу қағидалары мен шарттарын бекіту туралы» № 745;

- 2016 жылғы 26 шілдедегі «Қазақстан Республикасы Қарулы Күштерінің әскери бөлімдері мен мекемелерінің азаматтық персоналы, қазыналық кәсіпорындарының жұмыскерлері үшін мамандығы бойынша жұмыс өтілін есептеу және Қазақстан Республикасының Қарулы Күштеріндегі жұмысы үшін жұмысшыларға пайыздық үстемеақы белгілеу қағидаларын бекіту туралы» № 350;

- 2019 жылғы 21 тамыздағы «Қазақстан Республикасы Қарулы Күштері жеке құрамының Қазақстан Республикасының шегіндегі қызметтік іссапарлары туралы қағидаларды және Қазақстан Республикасы Қарулы Күштерінің жеке құрамына қызметтік іссапарларға, оның ішінде шет мемлекеттерге арналған шығыстарды өтеу қағидаларын бекіту туралы»№ 644 бұйрықтарына өзгерістер енгізіледі.

Бұйрықтың жобасы ескірген нормаларды жою, еңбек қатынастары және іссапар шығыстарын өтеу мәселелерін реттейтін нормативтік құқықтық актілерді қолданыстағы заңнамаға сәйкес келтіру мақсатында әзірленді.

Құжаттың толық мәтінімен ашық нормативтік құқықтық актілер интернет порталында танысуға болады: https://legalacts.egov.kz/npa/view?id=7240841.

• 17.05.2021
• 267