Ақтоты Райымқұлова музей ісінің мамандарын 18 мамыр - Халықаралық музей күнімен құттықтады

Ақтоты Райымқұлова музей ісінің мамандарын 18 мамыр - Халықаралық музей күнімен құттықтады.

«Құрметті музей ісі мамандары!

18 мамыр – бүкіл әлемдік қауымдастық үшін ерекше күн. Бұл күні Халықаралық музей мерекесі атап өтіледі.

Музейлердің қорларында сақталған тарих және мәдениет ескерткіштері халықтың рухани өмірінің мәдени-тарихи дамуының сабақтастығы мен үздіксіздігін қамтамасыз етеді. Осы артефактілер арқылы адам жанданған тарих әлеміне еніп, оның ұлттық санасы қалыптасады, ең бастысы, ол елдің әлемдік өркениеттегі орнын табуға және өзінің даму перспективаларын тануға ықпал ететін ұлттық мәдениеттің негізін құрайтын рухани құндылықтарды ұғатын болады.

Музейлер Қазақстанның мемлекет ретінде көпғасырлық тарихын зерделеумен айналысатын және көрнекі бейнелеуді жүзеге асыратын еліміздегі жетекші орталықтардың бірі.

Министрлікте өткен жылы COVID-19 пандемиясына байланысты көптеген жоспарлар қайта қаралып, түзетілді және жұмыстың жаңа форматын енгізді. Карантин кезінде Министрлік жалпы 120 млн-нан астам қаралым жинаған көптеген онлайн-жобаларды, соның ішінде музей жобаларын іске асырды. Бұл тәжірибе осы жылы да жалғасын табатын болады.

Музей қонақтары онлайн экскурсияларға, виртуалды турларға, семинарларға, дәрістерге, шеберлік сағаттарына және арнайы байқауларға қатыса алады.

Қалыптасқан жағдайға қарамастан, жыл табысты болып, оң нәтижелерге қол жеткізілді.

Сонымен қатар, 21 мамырда атап өтілетін Мәдениет және өнер қызметкерлері күні қарсаңында кітапханалар, музейлер, мәдени-демалыс саласы қызметкерлерінің кәсіби шеберлігін одан әрі қолдау, өңірлік мәдениет ұйымдарының имиджін арттыру мақсатында «Рухани қазына-2021» мәдениет және өнер ұйымдары мен қызметкерлерінің IV фестивалі бастау алды.

Министрліктің мәдениет және музей ісі қызметкерлерін қолдауға бағытталған барлық күш-жігері мәдениет пен өнер саласын одан әрі дамытуға серпін береді деген үміттемін.

Барлық музейлердің кәсіби және шығармашылық белсенді командасына ерекше алғыс айтамын және алдағы уақытта мол табыс пен жетістіктер тілеймін!

Министрліктің атынан музейлер ұжымдары мен өнер сүйер қауымды Халықаралық музейлер күнімен құттықтаймын және осы мерекені бізбен бірге өткізуге шақырамын»,-деп жазылған құттықтау хатында.

• 18.05.2021
• 255