Менің төрағалығыммен өткен аппараттық кеңесте Жамбыл облысының 2016-2020 жылдарға арналған даму бағдарламасы шеңберінде 2020 жылға арналған индикаторларды орындалу қорытындылары қаралды.

Менің төрағалығыммен өткен аппараттық кеңесте Жамбыл облысының 2016-2020 жылдарға арналған даму бағдарламасы шеңберінде 2020 жылға арналған индикаторларды орындалу қорытындылары қаралды.

Экономика және бюджеттік жоспарлау басқармасының басшысы Гүлдана Жауынбекованың айтуынша, төрт индикаторға қол жеткізілмеген десек, екі индикатор 25 пайызға орындалған. Мемлекеттік міндеттемелерді талап етпейтін 18 жобаның 14-і жүзеге асқан. Ағымдағы жылдың 4 айында өңірдің әлеуметтік-экономикалық даму көрсеткіштері негізінен жаман емес, тек құрылыс, тапсырылған тұрғын үй, көлік тасымалы және бюджет қаражатын игерілуі бойынша сәл ғана артта қалушылық бар.

Бірінші жартыжылдықтың соңына дейін барлық бағыттар бойынша көрсеткіштерді жақсарту қажеттігін баса айттым. Бүгінде көлік салығы бойынша бюджет берешегі байқалуда, қарыздар қайтарылуы тиіс. Осыған байланысты полиция департаментінің басшылығына нақты шаралар қабылдауды тапсырдым. Тараз көшелерінде автоматтандырылған «Сергек» бейнебақылау жүйесін енгізуді жеделдету керек. Бюджет берешегін жою бойынша жұмысқа аудан әкімдерінің де белсенді атсалысқаны маңызды.

Сондай-ақ, басқосу барысында өткен жылыту маусымының қорытындылары да қаралып, ТКШ саласындағы алдағы кезеңге арналған міндеттер айқындалды.

• 19.05.2021
• 41