Облыс әкімдігінде кезекті кеңес өткізіп, тиісті тұлғалармен аймақтағы эпизоотиялық жағдайды сараладық.

Облыс әкімдігінде кезекті кеңес өткізіп, тиісті тұлғалармен аймақтағы эпизоотиялық жағдайды сараладық.

Облыстық ветеринария басқармасының басшысы Ербол Жиенқұловтың хабарлауынша, өңірлерде мал аурулары бойынша ахуал тұрақты. Жоспар бойынша барлық аудандарда эпизоотияға қарсы шаралар жүргізілуде.

ҚР Ауыл шаруашылығы министрлігі Ветеринариялық бақылау және қадағалау комитетінің өңірлік инспекциясының басшысы Жандар Көекеев облыс бойынша 234391 бас ірі қара және 1154816 бас ұсақ мал тексерілгенін айтты.

Ағымдағы жылдың төрт айында 11 жамбылдық тұрғын бруцеллез жұқтырса, бұл өткен жылмен салыстырғанда бес адамға аз.

Басқосуда мал өсірушілерге уақытылы ветеринариялық көмек көрсетуді, мал ауруларының алдын алу және диагностикалау жұмыстарын дер кезінде жүргізуді талап еттім.

Әлеуметтік желілерде тұрғындар қаңғыбас жануарларды ұстау мәселесі шешілмей отырғанына жиі шағымдануда десек, Ербол Жиенқұлов қаңғыбас иттер мен мысықтарды ұстауға арналған үй-жай салуға қаржы қарастырылмағандықтан бірқатар қиындықтар туындап отырғанын тілге тиек етті. Ол бұл орайда осы мәселеге бей-жай қарай алмайтын тұрғындардың көмегі керектігін алға тартты.

Ветеринарлық қызмет – жергілікті атқарушы органдар жұмысының аса маңызды бағыттарының бірі. Оның адамдардың денсаулығы, ауылдардың экономикалық әл – ауқатына әсерін ескеру маңызды.

• 19.05.2021
• 328