Алматы облысының өткізу жүйесі бойынша ЖАДЫНАМА (елді мекенге/қалаға кіру/шығу)

Карантиннің әрекеті растайтын құжаттарды ұсынған кезде төмендегі тұлғалар мен көлік құралдарына ҚОЛДАНЫЛМАЙДЫ:

-   ҚР басқа өңірлерінен қайтып келе жатқан Алматы облысының тұрғындары;

-   денсаулық сақтау мекемелерінің елтаңбалы мөрлермен расталған құжаттарын көрсеткен жағдайда емделуге шығатын Алматы облысының тұрғындары, екі адамнан артық емес алып жүрушілермен бірге;

- медициналық ұйымдардан емделіп шыққан басқа өңірлердің тұрғындары;

- перзентханадан шығарылған босанған әйелдер жаңа туған балалармен бірге;

- медициналық көмек қызметі, санитарлық-эпидемиологиялық қызметтер, сондай-ақ медициналық персонал (дәрігерлер, медбикелер, санитарлар, жүргізушілер жұмыс орнынан анықтама ұсынған жағдайда);

-  коммуналдық, авариялық қызметтердің: электр, газ, су және жылумен жабдықтау, қоқыс жинау, сондай-ақ байланыс және коммуникация қызметкерлері мен көлігі (тиісті құжаттар болған жағдайда);

-  жүктердің кез келген түрін (тиелген немесе бос) жүктік және транзиттік тасымалдау, жол-құрылыс арнайы техникасы мен жабдықтары, ауыл шаруашылығы техникасы, жүргізуші және бір жолаушыдан артық емес;

-  бірінші кезекте қажетті тауарларды, тамақ өнімдерін, дәрі-дәрмектер мен медициналық бұйымдарды, қорғаныс және гигиена құралдарын, жанар-жағар май материалдарын, көлік құралдарының қосалқы бөлшектерін, өндірістік жабдықтарды және т. б. жеткізу қызметтерінің адамдары мен жүк көлігі, тапсырыстың растаушы құжаттары болған жағдайда (чек, тапсырыс парағы және т. б.);

- ауыл шаруашылығы кәсіпорындарының, шаруа (фермер) қожалықтарының қызметкерлері ауыл шаруашылығы кәсіпорындарының басшылары, шаруа (фермер) қожалықтарының басшылары жазып берген анықтамаларды және жеке куәлігін көрсете отырып;

-  мамандандырылған инкассаторлық көлік, адвокаттар және сот-медициналық сарапшылар, жеткізу қызметі (тиісті белгілер мен рұқсат беру құжаттары және хабарлама болған жағдайда);

-  ҚР Ұлттық ұланының, ҚР Қарулы күштерінің және ҚР ҰҚК Шекара қызметінің әскери қызметшілері мен көлігі, қызметтік куәлігін көрсеткен жағдайда;

-  Алматы облысы бойынша құқық қорғау органдарының қызметкерлері, қызметтік куәлігін көрсеткен кезде;

-  мемлекеттік органдардың қызметкерлері жұмыс орнынан анықтама немесе қызметтік куәліктерін (қала, кент, ауыл бойынша) көрсеткен кезде;

-   азаматтық қорғау, өрт сөндіру және авариялық-құтқару жұмыстары қызметінің қызметкерлері, қызметтік куәлігін көрсеткен кезде;

-   жерлеу қызметтерінің қызметкерлері мен көлігі, сондай-ақ құрамында 10 адамнан аспайтын қоштасу рәсімінде 4 бірліктен аспайтын еріп жүретін автокөлікпен;

-  Алматы облысы әкімдігінің жанындағы төтенше жағдай режимін қамтамасыз ету жөніндегі жедел штабтың арнайы рұқсаты бойынша ерекше жағдайларда Алматы облысының аумағына /аумағынан шығатын/келетін адамдар.

Алматы облысының бекеттері арқылы өту шарттары:

·  жеңіл көліктегі жолаушылар үш адамнан аспауы тиіс (жүргізушіні қоса алғанда);

· азаматтар мен жүргізушілер жеке қорғану шараларын (медициналық маскалар) сақтауы тиіс.

ТЫЙЫМ САЛЫНАДЫ:

-  жоғарыда аталған жағдайларды қоспағанда, адамдар мен көліктің елді мекендер ішінде, сондай-ақ олардың арасында жүріп-тұруына;

-   облыс әкімі уәкілеттік берген, облыс әкімі аппаратының және Алматы облыстық жедел штаб басшыларының қол қойған тиісті рұқсаты бар адамдарды қоспағанда, мемлекеттік органдар қызметкерлерінің және облыс, аудандар мен қалалар әкімдіктеріне ведомстволық бағыныстағы өзге де ұйымдар қызметкерлерінің аудандар мен қалалар арасында жүріп-тұруына тыйым салынады.

Ескертпе

Күтпеген жағдай туындаған жағдайда тиісті аудан (қала) әкімдігінің қызметкерлерімен хабарласу қажет.

• 16.04.2020
• 785