Өңірде «Жұмыспен қамту жол картасы – 2020» жобаларының 82%-ы ауылдық жерлерде жүзеге асырылды

Пандемия кезеңінде «Жұмыспен қамту жол картасын» мерзімді іске асыру жұмыссыздықтың өсуіне жол бермей, Алматы облысы тұрғындарының өмір сүру сапасын арттыруға бағытталған басқа да мәселелерді шешті. Мәселен, «Жұмыспен қамту жол картасы – 2020» жобаларының 82%-ы ауылдық жерлерде жүзеге асырылды. Бұл туралы бүгін облыс әкімі А. Баталов «Жұмыспен қамтудың жол картасын» іске асыру барысы туралы Үкімет отырысында айтты, - деп хабарлайды Алматы облысы әкімінің баспасөз қызметі.

Облыс басшысының айтуынша, 2021 жылға Алматы облысының қаржыландыру лимиті 31,8 млрд. теңгені құрайды, оның ішінде 8 инфрақұрылымдық жобаны іске асыруға 13,1 млрд. теңге, шағын несиелендіруге - 2,0 млрд. теңге, агро-өнеркәсіп кешені жобаларын несиелендіруге - 14,3 млрд. теңге және бизнесті қолдауға 2,4 млрд. теңге қарастырылған.

Биылғы жылғы инфрақұрылымдық жобалар тұрақты жұмыс орындарын құра отырып 3 ауысымды оқытуды жоюға бағытталды. Бүгінде 1500 орындық 7 мектептің сметалық құжаттары дайындалды, жер телімі бөлінді. Конкурс аяқталып, құрылыс жүргізу үшін келісім-шарттар жасалды. «Жалын» лагеріне реконструкция жүргізу шарт жасасу сатысында. Облыс әкімі Үкіметтен құрылыс жұмыстарын бастау үшін қаражат бөлуді жеделдетуді сұрады.

«Облыстың агроөнеркәсіптік кешенінде биылғы жылы 29 млрд. теңгеге
24 нысанды іске қосу жоспарланып отыр, оларда 1205 жұмыс орны ашылады. «Бәйтерек» Холдингінің жеңілдетілген несиелері жобаларды жүзеге асыруға жақсы қолдау болады. Мәселен, бүгінде 18,8 млрд. теңгеге 9 жоба қаралуда, оның ішінде 14,3 млрд. теңге «Жұмыспен қамту жол картасы» арқылы беріледі», - деді А.Баталов.

Шағын несие беру бағытында өңірлік «Атамекен» кәсіпкерлер палатасы мен «Жетісу» корпорациясы бірлесіп, микроқаржы ұйымын  құрды. Аталған ұйым арқылы 480-нен астам жоба қаржыландырылып, 550-ге жуық тұрақты жұмыс орны құрылады. Облыс әкімінің айтуынша, барлық ұйымдастыру мәселелері шешілген. Жалпы, жол картасы арқылы 500-ден астам жобаны жүзеге асырып, қосымша 2,8 мыңға жуық тұрақты жұмыс орнын құру жоспарланған.

• 25.05.2021
• 264