Ағымдағы жылдың 25 мамырында Бейбітшілік пен келісім сарайында Қазақстанның діни бірлестіктері өкілдерінің кезекті жиналысы өтті

Іс-шара Христиан дініне арналған «Бейбітшілік пен келісім жолы» тақырыбындағы халықаралық фотокөрменің ашылу салтанатына орай өткізілді.

Іс-шараның ашылу салтанатына Қазақстан Республикасының Ақпарат және қоғамдық даму вице-министрі С. Егізбаев, Конфессияаралық және өркениетаралық диалогты дамыту жөніндегі Н.Назарбаев орталығының Басқарма Төрағасы Б.Сәрсенбаев, Қазақстандағы Апостолдық Нунций Фрэнсис Ассизи Чулликатт, діни бірлестіктер өкілдері, Қазақстан Республикасындағы шетелдік дипломатиялық корпустың өкілдері қатысты.

Іс-шарада Қазақстан Республикасы Ақпарат және қоғамдық даму вице-министрі С.Егізбаев өзінің құттықтау сөзінде «әртүрлі дін өкілдерін бір шаңырақ астына жинаған Қазақстан өзінің тұтас тарихында ұлтаралық татулықты, дінаралық тепе-теңдікті әрқашан сақтап келе жатқандығын атап өтті.

Аталған фотокөрме жалпы адамзатқа ортақ рухани құндылықтарды дәріптеуге, әлемдегі түрлі халық діндері мен мәдениеттеріне деген толеранттылық көзқарасты қалыптастыруға бағытталған.

Іс-шараға қатысушылар Әлемдік және дәстүрлі діндер лидерлері Съезіне қатысушылардың, Православие шіркеуі, Нұр-Сұлтандағы Рим-католиктік Қасиетті Мария Архиепархиясы, Қазақстанның Евангелдік Лютеран шіркеуі, Мәскеу Патриархаты Дінаралық қатынастар шіркеуінің сыртқы байланысы бөлімі және «Казахстанская правда» республикалық газеті ұсынған суреттерімен танысты.

• 26.05.2021
• 252