Өзбекстан құрылыстағы қазақстандық баға белгілеу жүйесін зерттеп жатыр

Өзбекстан Республикасы Құрылыс министрлігінің өкілдері Қазақстанның құрылыстағы баға белгілеу саласындағы тәжірибесін зерттеу мақсатында  Нұр-Сұлтан қаласына ресми сапармен ұшып келді.

Қазіргі уақытта Өзбекстанда құрылыс көлемінің өсуі байқалады, бұл өз кезегінде баға белгілеу жүйесін қалыптастыруда жаңа тәсілдерді талап етеді. Осыған байланысты көрші мемлекеттердің тәжірибесін зерделеу туралы шешім қабылданды.

Өзбекстан мамандары Қазақстанға жүгінді, өйткені отандық мемлекеттік баға жүйесі нарықтық экономикасы бар дамыған елдердің тәжірибесін ескере отырып, баға жүйесіне көшу кезеңінен өтуде.

2015 жылдан бастап Қазақстанда мемлекеттік инвестициялар қатысатын жобалар үшін материалдар мен еңбек ресурстарының ағымдағы бағаларын пайдалана отырып, құрылыс өнімінің құнын айқындайтын ресурстық әдіс қолданылады. Жоба мен сметалық нормалар бойынша бөлінген ресурстық көрсеткіштер негізінде ресурстық әдіс объектілердің сметалық құнын талап етілетін уақытта жоғары дәлдікпен анықтауға мүмкіндік береді.

Бүгінгі таңда Қазақстанда мемлекет құрылыс нарығындағы ең ірі инвестор болып табылады. 2020 жылы тұрғын үй құрылысына жалпы алғанда 1968 млрд.теңге бағытталды, құрылыс-монтаждау жұмыстарының көлемі 4 920 млрд. теңгені құрады.

ҚР-да мемлекеттік баға белгілеуді дамыту мәселелерімен ҚР Құрылыс және тұрғын үй-коммуналдық шаруашылық істері комитетінің ведомстволық бағынысты ұйымы (ҚР ТКШ) қазақ Құрылыс және сәулет ғылыми-зерттеу және жобалау институты ("ҚазҚСҒЗИ" АҚ) айналысады.

ҚазҚСҒЗИ институты тұрақты негізде құрылыс материалдары мен жұмыстарының бағаларына мониторинг жүргізеді. Жеткізушілерден және мердігерлерден ағымдағы бағалар туралы алынған ақпарат сметалық жинақтар жасау үшін, сондай-ақ ЕСНБ нормативтік базасына енгізу үшін пайдаланылады.

Ал 2020 жылдан бастап Қазақстанда құрылыс материалдары мен жұмыстарының құны туралы статистикалық мәліметтер онлайн режимде жинала бастады.

"2019 жылдан бастап "ҚазҚСҒЗИ" АҚ элементтік сметалық нормаларды әзірлеу бойынша жұмыс жүргізуде, оларды құрылыс нысандарын ақпараттық модельдеу технологияларымен (ҚОАМТ) интеграциялау мүмкіндігі бар. Жобалаудың BIM-технологиясы мен жобаланатын объектілерді сметалық бағалау жүйесінің өзара іс-қимылы жобалау технологиясының сапасы мен тиімділігін арттыруға ықпал ететін болады. Бірінші кезеңді 2022 жылы аяқтау жоспарланып отыр. 2023 жылдан бастап келесі кезеңге – тәжірибелік апробацияға көшу жоспарлануда", - деп түсіндірді "ҚазҚСҒЗИ" АҚ Бас директоры Бегман Кульбаев.

Сапар аясында Өзбекстан делегациясы ҚР ТКШ, "ҚазҚСҒЗИ" АҚ құрылыстағы нормалау орталығына, "Мемсараптама" РМК-ға, Modex көлемді блоктарын өндіру зауытына, сондай-ақ Қазақстанда қолданылатын сметалық бағдарламаларды әзірлеу бойынша бірқатар жобалау ұйымдары мен компанияларға барады.

«Өзбекстан мен Қазақстан арасындағы құрылыс саласындағы екіжақты ынтымақтастық екі ел арасындағы ғылыми-техникалық тәжірибе алмасу тұрғысынан екіжақты ынтымақтастық ты нығайту үшін бірқатар мүмкіндіктер туғызады", - деді Өзбекстан Республикасы Құрылыс министрлігі жобалау және құрылыс саласындағы экономикалық реформалар басқармасының бастығы Шерзод Содиков.

Сапар қорытындысы бойынша ынтымақтастық туралы бірқатар екіжақты келісімдерге келу жоспарлануда.

• 26.05.2021
• 241